لا تحكم ع الناس من كلام الناس !

عليكم السلام ورحمة الله
مشكلة الحكم عالناس بدون معرفتهم , قبل سبعه شهور تقريبا قابلت وحدة من البنات في الحديقة النسائية
كانت معايا في الكلية، لكن ماكان بيننا معرفة بس كانت شلتها تجلس عند المعمل اللي نشتغل فيه
طول الأربعة سنوات حقة الدراسة ، فالبنت مألوفة عليا ومن الحنين لأيام الكلية ابتسمتلها وسلمت
عليها قلتلها : أنا كادي كانت شلتك تجلس جنب المعمل , الا البنت تقول:ايوا أعرفك أنا فلانة ، اتفاجأت
انك سلمتي ,<< عاد طلعت البنت مررررة عفوية قعدنا نسولف شويا عن اش سوينا بعد ما اتخرجنا
والا تقول: طول ايام دراستنا كان نفسها تتعرف عليا بس تحسني مغرورة < ماني قسم
عاد قالتلي ياريت عرفتك من زمان وناخذ نص ساعة مع بعض وتبادلنا الرقم والين ذحين سوى في الواتس
والبي بي ,سبحان الله كيف الحكم بدون معرفة عجيب ,

يسلم طرحك يا ملكة ,وانا من الناس اللي ما أحكم الين اعرف الشخص أو بلاش أحكم ما ارتحت له
خلاص ما أحكم ولا احتك
شكرا لكِ