عروضاتهم الخياليه لاتأتي الا في رمضان مالسبب

لما كنت في بدايات عمري ماكان في رمضان غير اصوات المؤذنين والقارئين والزيارات الحلوه والخيره بين الحاره .. القيمات من بيت فلان والاكله الفلانيه من بيت علان ورمضان كريم بوقتها بروحانيته وقرآنيته وماكنت احس بغير حبي للمسجد وزياره المطوع وجلستي فيه اقرا القرآن مع الوالد والحاره وماكنا نعرف شي اسمه تلفزيون أو برامِج أو فعاليات .. لا لا ابد مافيه هالامور نهائيا

كانت الحياه الرمضانيه اول غييييييييييييييييرررر

الحين !

نسأل الله العافيه .. الممثلين على المخرجين على كل البرامِج المفلسه قامت بإستغلال رمضان لماذا؟

من أجل الخير ؟

فقط من أجل أن يضلونا عن سبيل الله بإغرائاتهم التقنيه والتكنولوجيه والتمثيليه والحين أم بي سي كوشت على جميع المواد المعروضه ويمكن المشاهد يختار اللي يبغاهـ والمسلم يعتكف بالمسجد يقرأ ويطلب المغفره من ربه وهو جالس يتبطح من قناه لقناه ومن مشهد الى مشهد

قالوا رمضان يجمعنا ؟

جمعتكم جهنم أستغفر الله

الحين اللي عمره 23 سنه لو تساله وش احسن شي برمضان او ليش تحب رمضان .. الاغلبيه طبعا

راح يقولك والله فيه برامج ومسلسلات ومسابقات ووناسه وفله

تسأله يقرأ عليك سوره الكوثر يقولك (هاه) مدري

إقسم بالله العلي العظيم إن اللي قاعد يصير غزو فكري على علمانيه على ليبراليه على كل ابو شئ

شركات الاتصالات أكبر حراميه .. تاخذ من جيوبِك وتضحك عليك بكم كلمه وانت يازينك ساكت لاتكلمت مافيه أطيب منك وودك بس تستانس وتبسط حالك وهم يعرفون حق المعرفه وش اللي تحتاجه ضروسك عشان تتبسم


اما المعنى المراد من تخفيض الاشتراك بخدماتهم في رمضان صدقوني مو كرم ولاهم يحزنون

والكرم أصلا محشوم عنهم

يبون الناس تطقطق بهالاجهزهـ وباسعار ماتكلف والدعوهـ إجلس على البيبي والوتس أب وخل وقت صيامك بدال ماهو قرائه قرآن طقطق على اللستات ووقتك يكون بيدك ويلا .. اذا سمع الواحد صوت الاذان وقام ابوه ينادي للصلاه صار يتأفف لان الصلاه قطعت عليه حاجته بالبرنامج

أعوذ بالله صار تكريه وهجوم نفسي على الدين والعقيده .. يحببون الناس لملذات الدنيا وبهارجها ويكرهونهم بدينهم وكل ذلك من عمل الشيطان وهم للشيطان أقران واعوان

صدقوني ياجماعه الخير الدعوه معروفه ومخبوزه وحنا مشكلتنا ندري انهم تغلبوا علينا ونقول يارجال نمشيها من مزاجنا وخير ياطير

لكن ماقول الا يارب نسألك السلامه والغفران وتقبل الصيام والقيام وتب علينا واغفر خطاياانا وثبت اقدامنا على هديك انك الهادي الى السراط المستقيم