•• { •• أفــتـ ح قـلـمڲ •• } ••

وانا السهير اللي تعداك .. نشّاد
يطرد نهار ويلهث الصبح خلفه

نجمه يغيب وضيعته فيك تزداد
ولااشعل سراجه يصرخ الليل! طفّه

سجين هم ولابس.. ثياب جلاد
نصفه ذبيح .. وذابح الموت نصفه

تلميذ مهمل يشرح الدرس لـ استاد ..
بليد ! واذكى من تلاميذ صفه !!

وانا الموقع جرحي ادناه .. من غاد
الشاعر اللي طّوع الشعر حرفه

اصعب حروفي لاركب راسه عناد
يلّذ لي لاعسعس الليل عسفه

اعزف لموته اغنية..عيد ميلاد
واسمع صدى صوت النغم قبل عزفه

بالصدر طفل يسحب خطاه بركاد
وبالعجز ريح يرعب الكون عصفه

لي صدفة احلى من الفين ميعاد
ولي موعد احلى من الفين صدفه

وبالناس لي انصاف واقران واضداد
وكل يفسرني على قد عرفه !

وبي جرح ماله غير نزفه له ضماد
وشلون اطيب..؟؟ ولابعد كّف نزفه

واللي بعث هود ل(ارم ذات الاعماد
انا بزمن يشبه زمن عاد وصفه

أصدق من الدمعه على خّد.. بغداد
واكذب من اللي شافها وغض طرفه

غربه وهم حيره ألم هم واجهاد
طالت وضاقت نسأل الله لطفه

ويابنت انا.. طارق مثل طارق زياد
لولا الذي قضبّني الجمر كفّه.!!

والله يلولا خاطر عيون الاوغاد
لـ اقطف لك اللي ماتمنيت قطفه

..