عجزت اتكلم لو معي حنجره ولسان

.








’,

نفد صبر الكراسي .. ملّ كوب الشاي !
صرخ هذا القلم في غيبتـك : "كافـي" !
كأنّ الريح من خلـف الدرايـش نـاي
يقسّـم لـي لحـن غيّـابـي الـدافـي
وحيد .. وما يعلّلنـي سـوى ذكـراي
تجاذبنـي الحديـث ، وتسكـن لحافـي
بكى حزن الشوارع من حنيـن خطـاي
بدونك هالعمر رمضـى .. وانـا حافـي
وحشت اغلى الأماكن في وطـن منفـاي
تحمّلنـي سـلام ؛ وشوقـهـا خـافـي
نجي نقطف زهر .. يسـراك فـي يمنـاي
ومرّ العام ، واصبـح هالزهـر سافـي !
تعال .. وطبّب جروحي ، وعـزّ بكـاي
تعال ابذل سبـب .. والله هـو الشافـي
كثير اهمس باِذن طفل انتظارك : "جـاي"
تعبت المح بعينـه : "صاحبـك جافـي"
وهنت .. وجيـت ادوّر للمشاعـر راي
يوقّـد لـي فتيـل سراجـي الطـافـي
رحلت ، وحيل تتعبنـي منـى بكـراي
عسى يعود الربيع ان عـدّت (عجافـي)
بذلت العمر كلّه .. فـي سبيـل منـاي
وعلى كتف القدر .. شوف البخت غافي !

احمد التيمان
..~