أَجْمَلٍ بـَيْتُ .. مَ ــرْ \ عٍ ــليْكـٍ / لننتقي أجمل الأبيات

يامالـك الزيـن لـد العيـن مفتونـك
ترى غيابك ياروح الروح ماطيقـه . !!
ان غبت عني تأكـد مـت مـن دونـك
وان جيتني القلب شلع من معاليقه . !!
ابرك ليال الهـوى لا مالـت غصونـك
وخذتلي مع نباك الـذرب تحليقـه . !!
مغير اجمع قصيـدك وسمـع الحونـك
والقلب مابين تغريبـه وتشريقـه . !!
ون مـر فـي هاتفـي نمـرة تلفونـك
اطلق حجاجي وروّق خوش ترويقه . !!
ابك انت لو تتصـل وتقـول وشلونـك
اودع الهـم والاحـزان والضيقـه . !!
شاعر وشعـره تعلـى فـوق بفنونـك
وانت السبب في جماهيره وتصفيقه . !!
والشاعر اللي مايكتـب بيـت بعيونـك
نصيحتي يترك الشعر وطواريقـه . !!
ياكثـر ماقلتلـك لـون القمـر لونـك
وياكثر ماقلت صدك صعب تحقيقه . !!
القلب حرن تعلـى فـي سمـا كونـك
شاقه كحل عينك وودع مسابيقـه . !!
واللي يشوفك مايقوى رعشـة جفونـك
اما تراعد عضامه او نشف ريقـه . !!
تعـال والنـاس هــذي لايهمـونـك
الحب وفقه ومـن ربـي توافيقـه . !!
تـرى غيابـك يتعـب حـال مفتونـك
تعال وسمع كلامن صعب تصديقـه . !!
والله لزعـل جميـع النـاس لعيونـك
بس انت عجل حياتي ضيقه بضيقه . !!
.
.
تركي الديـحـاني