ودي بشوفه ياعرب...

كـل نهـار العيـد عايـد حبيبـه=
والتم شمل اهل القلوب المواليـف


الاحبيبـي غـايـب الله يجيـبـه=
وياحسرتي وان كمل العيد ماشيـف


ودي بشوفـه ياعـرب واهتنيـبـه=
من قبل يأتي في زمنـا صواديـف


شفي شفاته وارتـوي مـن قليبـه=
واقول ياليل السعـد والغطاريـف


ياليـت داري مـن ديـاره قريبـه=
واخيل زوله والرموش المعاكيـف


ابطيـت وابطـأ والليالـي تعيبـه=
مليت اسامرها واجـر المحاريـف


اعوي عوى سرحان واقنب قنيبـه=
لاجر صوته في رجوم المشاريـف


علـى وليـفٍ مالفـانـي نديـبـه=
من دونه الحظ العوج والملاقيـف


من لامني ياجعـل ربـي يصيبـه=
ويلحقه من سود الليالـي محاذيـف


لانـه هـوى قلبـي دواه وطبيبـه=
تشهد علي الاوراق وسط المظاريف


والحبر والريشـه ونـار المغيبـه=
ودمعٍ سبح بين العيـون المذاريـف


حلفـت لودونـه جنـود وكتيـبـه=
ما انساه لو كثرت علـي التكاليـف


مما اعجبني

ودمتم بود

[align=center]ورد جوري


مشكوره على هالقصيده الرائعه


يسلم ذوووقك أختي


كل الــــــود


[/align]

المشاركة الأصلية كتبت بواسطة قصيمي فاقد حنان

[align=center]ورد جوري
مشكوره على هالقصيده الرائعه
يسلم ذوووقك أختي
كل الــــــود
[/align]

العفو اخوي

والله يسلمك

دائما مرورك يسعدني

الله يحفظك

ربي يسعدك والف شكر

المشاركة الأصلية كتبت بواسطة الوفا طبعي

ربي يسعدك والف شكر

شكرا حبيبتي على المرور

ويعطيك العافيه