هل يحق للمرأة السعودية قيادة السيارة؟؟!ولماذا؟؟

﴿السلام عليكم ورحمة الله و بركاته﴾

كم منا تتمنى ان تقود سياره ؟؟

كلنا يتمنى ذلك ( ياحظهم الاولاد .. حريه و وناسه )

ولو فكرنا فيها من جميع النواحي ... بنشوف النواحي السلبيه اكثر من النواحي الايجابيه

حلو الواحد يكون مميز ... على الاقل تتميز دولتنا عن باقي الدول بشي ...

البنت بالسعوديه ... عايشه عيشه الاميره ... قمه الراحه ... تقعد في الكرسي الخلفي و ما عليها الا انها تأشر بيديها يمين و يسار ... محموله و مخدومه ...

بصراحه ...كثير من النساء كانوا يتمنون سياقة السياره ..وكانوا يتمنون نزول قرار يسمح بقياده المرأه .. بس لو فكروا فيها من ناحيه عقلانيه .. راح يقولون وشو له التعب و عوار الراس وراح يوقفون هم بأنفسهم بوجه هذا القرار ( إذا طلع )

كل اعباء المنزل على راسها ... من امور و احتياجات الاولاد الى اغراض المنزل المعتاده ..

و الزوج من العمل الى السهرته واستراحته .. ولا يعرف عن امور البيت شي

انا لا ارفض قياده المرأه رفض نهائي ...

من المفروض تكون المرأه .. ملمه بكيفيه قياده السياره .. للحالات الطارئه فقط

... يعني مثلا .. عايله في جمس و يسوقها الاب وما كان معه ولا ولد من اولاده على طريق الرياض ... و اثناء الطريق تعب .. نقول ازمه قلبيه والا ضيق بالتنفس .. ايش راح تكون ردة الفعل .. على الاقل لو كانت وحده من البنات تعرف تسوق .. كان ركبت مكان ابوها و اوصلته لحد المستشفى و انقذت الموقف .. ( ترى هالموقف صار )

على العموم .. مابي اطول عليكم ...

ومشكوره اختي على الطرح الرائع ,,