إرشيف مسابقة جلسات هيبة ملك 2010

بما أن الأخ zyzoom بدأ الأول .. راح أكون الثاني


,’


هديت حيلي والحيله ماهي بيدي
بسافر يم ديـار الغـرب بمفردي

وحيد ما معي صاحب أسولف معه
ولا زوجة تكون عويني ومسندي

متأمل أني لو رحلت أنسى الهموم
ويرتاح بالي وأتهنى في مقعدي

ولكن الظاهر همومي مرافقتني
لأني بترك أهلي ودياري ومسجدي

أشغلني التفكير وعايش في قلق
وما أتهنى في صحوتي ومرقدي

أعوذ بالله من وساويس الشيطان
بقرأ على رأسـه لين أنه يهجدي

وللحين نيتي للسفر ماهي أكيد
بسبب المرض وبسبب حالي الردي

الكل لاحظ تقصيري وقلّ التواجد
والعذر واضح وبان لكم مقصدي

بقول لكم شي يجول بخاطري
وثق يا قلم ويا حروف اشهدي

والله غلاكم في قلبي ما ينوصف
وأني بشوفتكم فرحان ومُسعدي

ودي أكتب زياده وودي أفضفض
لكن ماشي بشروط أخوي الأجودي

وختامها صلو على خيـر البشر
واجبنا نتبع سنته وبـه نقتدي