..₪" شاعــر .. فِـــيْ سُــطُوْرْ "₪...

[align=right]|| [mark=33ccff]آلْـــــــ جَ ـــــــرْحْ[/mark] ||



الجرح ماهو خاطر شوي ويروق
الجرح حتى لو تشافى يعللك 00

واذاك متحمس متاهات وطروق
انا تعبت اشد حيلي واحاولك 00

سماي ما شيّ شمس ورعود وبروق
والريح ماهبت ولايجري الفلك 00

والقلب ناشف بحر وشقوقه شقوق
وشلون بيكوّن سحاب ويبللك 00

يا ضامي انا الضما ومتشبع حروق
واذاك ضامي للمواصل .. انا هلك !!
00
هلك ووقف في وجهي الاصل والذوق
والمجتمع والعرف والفقر واهلك 00

متعومس وحزن النبلاء مرموق
يعني لو احتاج الك ماجيتك اسألك 00

اللي علي اشكي واعاتبك برفوق
واقولك ودي ماعاد اتأملك 00

من دورة الايام ياخوك مخنوق
الوقت مشاني من السلك لسلك 00

ازل خطوه .. بس ما ازل منطوق
ولو صارت ابحب خشمك واجاملك 00

يبقى البني ادم مجرد ومخلوق
ملك ولكن في الحقيقه بلا ملك 00

كذاب .. قايل كل مطرود ملحوق
سنيييين وانا اطردك وازريت لا اوصلك 00

كنك تطيش وكني ادور في طوق
كل ما وصلت اخرك يطلعلي اولك 00

ليت مافي خاطري شوق وحروق
ماكان حسيت ان انا بس منك والك 00

الشوق ماهو رعشه وقبضة عروق
وماهو اللي من شينك فعينك يجملك 00

وماهو شعور ياخالق الروح برفوق
وماهو سحر ولا ادري والله شقول الك 00

انا سحابة حلم وتطير بك فوق
وتطير ولا ودك انها تنزلك 00

الشوق هذا .. والا انا شوقي البوق
ماقد حصل في شوق هذي ولا تلك 00

تدري وش اسوي ليا اضناني الشوق
اسوي بعيوني كذا واتخيلك 00

واقربك واتوق واتوق واتوق
واكثرك واحلف ماعاد اقللك 00

واصورك في الموق وتكبر على الموق
وتطيح مع دمعي على ايدي واقبلك 00

هذا غلاي اللي مع الدم مدقوق
ولا عاد تسأل عن شعوري وازعلك 00

محبة ماهيب من طارف السوق
لو انك توكل .. كان والله لاكلك 00

جيتك حقوق ورحت ماعندي حقوق
وان قلت ما احبك ابجحد مواصلك

احبك .. الا يا بري حالي وعوق
من كثر ما احبك اخاف اني اقتلك 00[/align]









[align=center][mark=33ccff]0/0/0/0/0[/mark][/align]










[align=left]||[mark=33ccff] آخْـــــذِيْـــنِــــيْ [/mark]||



اخذيني اليا عجبتك بس رديني
00 وان ما عجبتك خلاص اخذيني ما ابيني

ما دامني شفت فيك الطهر والعفة
00 بعيف نفسي اليا منك كرهتيني

اخذيني لو اعتبر من ضمن اشياءك
00 وانا بحبك ولا لازم تحبيني

لا ابي علاقة ولا ابي نظرة وبسمه
00 احساسي اني بقربك بس يكفيني

ولو اني انضفت لأشياءك غصب عنك
00 طلي علي يا غناتي لا تخليني

تراي لاجاء المصامد ما ني بهين
00 تقول كن العرب لعبة بيديني

شخصيتي من غرابتها وطيبتها
00 كن الزمن في تحدي بينه وبيني

اخذيني الشاعر اللي ما صدق حظه
00 لاقلت يا حظ وينك قال ياويني

اخذيني المبدع المتفلسف ألتحف
00 هموم وتضحك على العالم شياطيني

شهرة شكسبير وأفلاطون ونيوتن
00 لاقلت لي بيت شعر تطيح من عيني

واخذيني العنصر اللي صدق متعنصر
00 من دون ربعي لو اقطع شراييني

واخذيني اللي اليا منه طلب يعطى
00 وتكفين لامن طلبتك لاترديني

تكفين يا غايتي يابهجة الدنيا
00 ابحرق قلوب ناس ما تدانيني

اخذيني بكل شوق وقولي احبه
00 وان شككوا فيك والا في ضميني

قولي سعد والله انه غالي جدا
00 ويا جعل فدوه شبابي واخر سنيني

وانا بصدق كلامك واعتنز بالله
00 وباقول للناس ما يعنيك يعنيني

وانا علي نذر ما أرخص جيتك
00 وانتي نذر على رقبتك انك ما تخليني[/align]








[align=center]|| بإنتظــــــآر مشـــــآركــــآتكم ||














×.. الـوفآ طبـ ع ـي ..× [/align]