لا تجرح المشتاق
تعال قـدر وقفتـي يـوم أناديـك
لاتجرح المشتاق لحظة وصولـه
إن كان تبغيني فأنـا ميتـن فيـك
جيتك من الأشواق رجلي عجولـه
يا حظ أرضن بان فيهـا مواطيـك
ويا حظ بيتن عشت فيه الطفولـه
قلبي ورى الأضلاع بالشوق يدعيك
وسمعي تمنى يسمع اللي تقولـه
وعيني تشوق لك ومرات تبكيـك
من دمع ضيقات الزمان مخذولـه
واللي خلقني عايشن في رجاويـك
ما همني هالكون عرضه وطولـه
ماتدري إن الدمع والليـل يرثيـك
وشرح الصدور من الغلا معلولـه
يزورني طيفـك بليلـي وأخاويـك
والوقت يمضي والجروح محموله
وشلون ترضى الهجر يقفي بغاليك
وشلون ترضى تعيش منت بحوله
الكل سالي فـي حياتـه وناسيـك
وأنا الوحيد اللي عنت لك خيولـه
حتى الهوى لا هب ياتي بطاريـك
أتنفسـه وأقـول هـذا رسولـه
الحظ وينك جابنـي فـي مرابيـك
والقلب عاش بسبتك فـي ذهولـه
خليتني جرح الزمن مـن تجافيـك
والدمع في عيني تزايـد هطولـه
تجري بنا الأيـام والبعـد حاديـك
واللي ورى يدين العرب من ينوله
لكن ترى باقـي بقلبـي مواريـك
سبحان من جابك وأخذك بسهولـه
منقول
|