منتديات هيبة ملك منبع إبداع لاينضب - عرض مشاركة واحدة

اوسمتي · 09-14-2009, 03:20 PM

يالله حيهم

أدري بعضكم بيضحك على العنوان

.. بس تراه صدز .. وهو بالانقليزي Defenestration .. أي قذف شخص أو شيء عبر النافذة <<يمديكم على التعريف

واللي مشكك ووده يتأكد من المعلومه وشرح الكلمه بشكل أوسع يروح لذا الرابط ويبحل بعمره هناك لأنه انقليزي

النطل من الدريشه

وعلى فكره .. ذا الفن الديكوري .. موب جديد عندنا .. لأننا سابقين العالم فيه من زمان

ما زد سمعتوا .. بتشبيه الأشياء بـ " عفش مطلقه "

.. وإلا .. واحد ما دفع الإيجار نطلوا عفشه برا

عاد انتم يا أهل سان فرانسيسكو << أعرف واحد يقراها تسان موب سان

>> توهم توصلهم الفكره وبدال ما يتخلصون من الأثاث والقراشيع القديمه .. استخدموها بهالطريقه

بذمتكم موب تسنه عفش مطلقه؟! .. ونقدر نقول عفش مطلّق بعد

.. زي في مصر العصمه في يد الست وإذا زعلت عليه ما تقول طلئني .. هي اللي تطلقه وتمسكه الباب

عاد انتم اللي يزود عنده قراشيع ما يبغاها .. لا يوديها لحراج بن قاسم .. وإلا يوديها للشباب في الاستراحه على باله مسوي كريم وفارشها لهم

والا بس جيدين تعلقون حبال غسيل انتي وياها

حاولوا تجربون تعلقون قراشيعكم مع الدرايش والا من فوق السطح

.. شرط ان تلقون أهل الحاره كلهم متجمعين عند بيتكم يقولون وش في ذولي انهبلوا !!

دمتم بود