أبي أعرف : تحبِّني؟
أو إنك مثل ما قالوا ،
جرحت الوِد وسنيني ..
طعنت الملح والعِشرة ..
نثرتيي بـوجه الريح !
ولما إسألوا عنّي ..
تجاهلتي ،
ونسيتني !
حقيقة إنتِ : تحبِّني ؟
إذا ضاقت بيْ الدنيا ،
وملاها البرد أيامي ..
وعجزت من الوجع أغفى !
تحسّ بي وتغطيني ..؟
تسابق خطوة أنفاسك ..
وتركض لي ،
تدفّني ؟
تعال ..
تعال ..
تعال ..
يالله قول لي ،
إذا مرّك بهذا الصبح ..
عطر باقي من ثيابي
ودمعٍ جرّح أهدابي ..
وإذا بليلك تناسيت ،
ولا إهتميت بـغيابي !
ونسيت حكاوينا ،
و لهفتنا بـ غناوينا ..
وبكى قلبك على الذكرى ..
وعاتب قسوة إحساسك ،
.. أبي ردّك :
تحبِّني؟
وإذا ضاقت بي الدنيا ..
وتغرّب فيني إحساسي ..
وجيت أبكي على بابك ،
وأصرخ ..
" حيل محتاجك :
أبـ أسمع منك عتابك ..
وأدورلك عذر وحلول ،
لأجل أعرف : تحبِّني؟
الحين مرّني ،
لأجل ماتنكسر أحلام ..
وتمُوت أيام عشناها ..
بنيناها بـ روابط حُب ،
لأجل ما يقولوا العذّال :
علاقة "
عابرة " كانت ..
طبيعي إفترقوا و هانت !
طبيعي إفترقوا و هانت !
طلبتك : لاتردّني !
أبي نرجع مثل الأول ..
نسولف عن بدايتنا
أماانه،
لاتْخذْلني!
-----------------------------
اتمنى تحوز ذائقتي رضاكم
.. PromisE Me