قالت فـي أمـان الله بغيـب كـم يـوم
المـعـذره ياصاحـبـي لــو جفـيـتـك
صحيـح أنـا وافقـت بغيابـك الـيـوم
لـكـن والله صـعـب بـعـدك فـديـتـك
من بعدكـم ليلـي هواجيـس وهمـوم
ونمـت ساعـه نـور عيـنـي لقيـتـك
لاصرت نائم كلها حلوم فـي حلـوم
يامارفعـت الصـوت يـامـا دعيـتـك
أفـز انـا فـي مرقـدي حـيـل واقــوم
تـدري منامـي كـل نصفـه رجيتـك
حالي تعذب وأصبح الحال مشؤوم
يـامـا عـلـى فـرقــاك والله بكـيـتـك
صحيـح أنتـم قـوم واحنـا بعـد قـوم
لكـن شريتـك يالـغـلا قــد شريـتـك
صحيـح قلبـي كلـه سهـوم بسـهـوم
من قوس حبك بـس قلبـي عطيتـك
صحيح غالي والدلع فيـك مرسـوم
بـنـت الاكـابـر والله انــي هـويـتـك
القلـب رافـض يقبـل الغيـر ويشـوم
قلـنـا غليـتـك أسمـعـي قــد غليـتـك
أنت الذي بالقلـب حطيـت مرسـوم
مـن زود حبـك ظنـي أنــي بليـتـك
وانـت الـذي متعلـم دروس وعلـوم
ليتـك قـريـب الــدار يالـيـت ليـتـك
وأنت الذي عـادات وفنـون وسلـوم
الـحـمـد لله قـــد هـدانــي ولـقـيـتـك
بين العرب بين العجم داخل الروم
ماشفـت مثلـك يالغـلا بـان صيـتـك
يالله لا تكتـب علـي عـبـد مـحـروم
يالله يامـعـبـود بـأسـمـك رجـيـتــك
تحفظ لطيـف الـروح يادايـم الـدوم
أنت القوي وانا ضعيف(ن) دعيتك
يمكن صعبةعلي بعض الكلمات الخليجية
ولكن هذه الابيات اعجبتني موووت
يا ريت تقولولي رأيكم
عبير الورد