مديرة المدرسه وقصه زوآجهآ
 

مديرة مدرسة تزوجت زوج إحدى مدرسات مدرستها،
تدور القصة حول مديرة عزباء غابت عن المدرسة يومين،
ولما عادت لمدرستها قابلوها المدرسات، سلامات وينك يامديرة ؟
قالت باركولي تزوجت !! قالن : مبروك يامديرة لكن منهو زوجك ؟
.. قالت بصراحة زوجي هو زوج إحداكن !!
.. المدرسات : تكفين زوجي علميننا أي وحده منا ؟
.. قالت المديرة والله ما أعلمكن .. المهم لزموا عليها،
فقالت : أنا مانيب متكلمه إللي تبي تعرف هل هو زوجها وإلا لا،
تجيب بكرى معها خمسمية ريال
وإذا جت توقع تحط الخمسمية على الطاولة
وإللي أخذ خمسميتها فهي، ماهو زوجها،
وإللي أخلي خمسميتها على الطاولة ولا أخذها فهو زوجها،
عيب علي أتزوج زوجها وأخذ بعد منها خمسميه ريال،
( وافقن المدرسات على الطريقة )،
ويوم جاء بكرى وكل وحده مزهبه معاها الدراهم،
ومابقى إلا وحده من المدرسات ماحضرت،
والمديرة رافضة تأخذ الفلوس إلا بحضور جميع المدرسات،
إتصلوا على المدرسة الغائبة، هاه وينك،
المدرسة الغائبة : والله إني تعبانه وماني جايه،
وهاه من صار زوجها إللي متزوج المديرة ؟
قالن : إلى الآن مابين شيء والمديرة رفضت تأخذ الفلوس
إلا بحضور جميع المدرسات، وجاء من بكرى،
وكل وحده حاطه يدها على قلبها، ( خربشات هيهات )،
ويدخلون ع المديرة بالغرفة،
وتبدأ المديرة بالأولى وتأخذ فلوسها
وتناظر الثانيه من فوق إلى تحت " تلعب بأعصابها "
وتمشي بالدور إلى بعد ماتم جمع فلوس جميع المدرسات
وتبتسم المديرة،
وأنقزت وحده من المدرسات : أخذتي الفلوس من كل المدرسات تلعبين علينا !!
منهو زوجك !! ( شكل إللي انقزت : طفرانه ومتحسفه ع الخمسميه )،
قالت المديرة : الدراهم " 12000 ريال "،
ماراح ترجع وأنا والله لا تزوجت ولا شيء
لين الحين عزوبية والله كنت مريضه هاليومين،
ولكني أطلبكن، قبل شهر تدفعن على مية ريال نصلح المصلى،
ولا وحده منكن دفعت،
قلت والله لا أدفعكن " 500 ريال "،
نصلح المصلى ونشتري مصاحف،
قالن المدرسات: بردها الله بالعافيه، فداك الدراهم
ولو تبين زود عطيناك، هو صدق بس رجالنا ماتزوجوا علينا،

،،

مايستفاد من القصة :

ـ المرأة تدفع فلوس الدنيا كلها ولا يتزوج زوجها عليها http://upload.traidnt.net/upfiles/uB836295.gif

ـ المدير الناجح هو من يفكر في عمل مفيد إجتماعيًا ويستطيع فرضه بإقناع :)

ـ عمل الخير موجود في النفس المسلمه ولكن يحتاج إلى إيقاظ في بعض الأوقات

ـ من واجبات مدراء ومديرات المدارس والمدرسين الأهتمام بالمصليات

ـ القصة لا تعني الأنتقاص بأي شكل من قدر وأحترام المرأة :a2a134:


اعجبتني لماتحمله من فوائد فودت جلبها لكم

أطيب تحيُه

.. ^ـــــــــــــ^
وربي شي .. :)

صدق مديرهـ حكيمهـ وضربت على الوتر الحسآس
يعطيييك العآفيه يسور
سطوور تحمل فآئدهـ كبيرهـ

:)

لك مني أرقى تحيه

والله صدق المثل الي قال
خاويني واخاويك واخذ رجالك واخليك
ههههههههههه
والله الحريم في العبقريه على الرجال مافي مثلهم
ههههههههههههه
يعطيك الف عافيه