النصر يخسر من الأخضر ...
 

بسم الله الرحمن الرحيم

تغلب المنتخب السعودي الأولمبي لكرة القدم على النصر بهدفين دون مقابل في النزال الودي على استاد الأمير فيصل بن فهد ( رحمه الله ) , ضمن استعدادات الأخضر لخوض لقاء اليابان السبت بعد المقبل ضمن التصفيات إلي أولمبياد بكين 2008 م .
سجل أهداف الأخضر :
يوسف السالم
عبدالإله هوساوي

مشكورعلى الخبر وترى هي مباراة ودييه

هاردكلك للنصر ومبروك للسعوديه

شي جيد ان المنتخب يفوز بمباراه امام النصر الذي لعب بنجومه ,,

ومشكور اخوي الامير على الخبر

[align=center]اول شي اخوي الظاهره حبيت اقولك انك متعصب هلالي ولا شفت المباره اصلن


لو شايف المباره كان ماقلت النصر لعب بنجومه لان التون ومرداسي وسعد والبحري
والخير مالعبو واكثر الالعبين كلهم الاحتياط

عشان كذا مالك ومال الرياضه الي تسمع بها بحارتكم وتجي تتكلم لي هنا


ولاتتكلم عن شي ماتعرفه

ولااسف مو اول هلالي يخطي وهذا الدليل ان الجمهور الهلالي

يتكلم ولا يدري اصلن وش الرياضه


وتقبل مروري يالامير[/align]

واااااوك وهي وديه خسر النصر اجل وشلون لو اقابلهم انا وبعض العيااال اللي عندي

ههههههههههههههههههه


مشكور على الخبر

هههههههههههههههههههههههههههههههههههههه>> الله يرجك امبرااطوور


يسلمووو واحد مجهوول

[align=center]

اصلن مع الاسف النصر مايتنزل يلعب مع فرق حواري ولااعبيين مايلعبون مع فرق حواري


مثل الشلهوب:a2a154::a2a1182:[/align]

خلاص هدو وبعدو عن المشاكل
ولامبراطور لاتغلط على النصر النصر نادي كبير

واحد مهجول ما تحس انك مزودها شوي تسب في فلان وتتهم علان بالتعصب



ولعلمك الي اتهمته هو مشرف هالقسم ولو بغى صفقك باطلق انذار بس اخلاقه احسن منك



وانا نصراوي بس هدي الوضع ومو لهالدرجه تنافخ عالاعضاء وتسبهم


وللاسف انت الي التعصب اعماك ولا وش دخل الشلهوب في السالفه بالعكس لاعب اخلاقه تشهد له قبل لعبه وفنه


الامبراطور لو اجي لحالي اباريك انت وعيال حارتك ابنشب بك قول وبخلي خشتك تصفق في العارضه


والقول الاول طبعا كوبري قاضين منها --------> خخخخخخخخخخخخخخخ

اخووي رمز " رمز الخوافي " ماسبيت حد

والله والنعم فيهم وكله حوار


بس بجد متعصب لو شايف المباره ماقال اخوي الظاهره

شي جيد ان المنتخب يفوز بمباراه امام النصر الذي لعب بنجومه ,,

يعني جابها من راسه

وعلى العموم وجهة نظر تبقاء يعني عندك مو متعصب

انا عندي متعصب

واحترم وجهات النظر

[align=center]اولا :بالمقارنه للمنتخب الاولمبي,,

ثانيا:على مااعتقد اني قاعد اتكلم عن فوز المنتخب على فريق (وج),,ماكاني اتكلم عن فريق يحمل

اسم ناصع ولامع كالنصر,,اليس فريقا كبير والفريق الكبير

الجماهيري من الطبيعي ان يكون احتياطه منافس للاساسي مابالك ان يكون الفريق متواجد سوى اللاعبين الذي فضحت نفسك بذكرهم ليس باسمائهم لكن بعددهم ,,ان غيابهم يكسر ظهر الجمل يؤثر بفريق كالعالمي كما يحلو لمحبيه,,

لو اتيت للتكلم كرويا وعقلانيا,,انت تقابل فريق لاتتعدى اعمارهم الـ20 عاما,,فريق لايعرف الكره كما يعرفها الـــنـــصر,,فريق لم يكمل انسجامهم بشكل كافي كانوا على وجه الاستعداد ,,وليس كفريق لعب بالدوري وخاظ الكثير من المباريات الوديه,,ويحمل اسماء معروفه خصوصا المنتقلين حديثا ذو الخبره في النيادين الحضراء,,,

انـتـبـه مع من تتكلم ومن تحادث وماذا كان يتحدث عنه هل يتحدث عن هزيمه فريق كالنصر او الذي ذكر ببداية حديثي ارجو الا تتكرر هذه اللغويات منك,,

موضوع الذي كتبت عن سامي الذي تقول عنه منقول هل تعرف مامدى صحة الموضوع ,,يا الي تتكلم عن الي تــعـرفــه.


تقبل خالص تقديري وشكري لك يالامير على الخبر ,,


الظاهــ RONALDO ــــره[/align]

[align=center]مشكور اخوي رمز الخوافي على العفويه الجميله والروح العاليه لديك لعلي تفهمك للامور ,,

واشكرك على حسن التحدث اتجاهي ,,وانت وبدون مجامله من الاعظاء الي يشدون انتباهي بالمشاركات.

تقبل تحياتي

الظاهــ RONALDO ــــره[/align]

اول شي ياحبي

بقولك شي لو شايف المباره انت ماقلت عن المباره انه شي جيد النصر ينهزم وهو لعب بكل نجومه


وثاني شي


بسألك هل شفت سامي الجابر يكرمه الفيفاء زي ماكرم الاساطير الي قبله

جبلي شي يثبت ان سامي اصطوره قالها الفيفاء وسامي على فكره تراني احترمه


ولاعب ماقصر






وخلاص انسى الموضوع


وجبلي شي يثبت ان سامي اصطوره وعلى العين والراس

بسكت

وتراكم كلكم تدورون حول موضوع سامي

انتظر اثبات ان سامي اصطوره بقرار من الفيفاء

واثبتو لي وخلاص بسكت اذا اثبتووو انه اصطوره من الفيفاء

ولا بعد بتخلونها اصطوره sms ولا جرايد


وتقبلوو وجهة نظري

انا بسكت عن موضوع سامي

بس ابي اثبات ان سامي اصطوره فديتك



ولكم تحياتي


واسف اذا اخطيت على حد كلها حوار ونقااش ولاتاخذون الموضوع بجديه

مشكورين بس خلاص هدو الوضع واخوي واحد مهجول خلاص انسى موضوع سامي عنوان الموضوع النصر يعني وش جاب سامي

وشكرنـ

الظاهره انت وواحد مهجول ليش زعلانين

عادي اذا خسرالنصرمع المنتخب الالومبي يعني كانت مباراة وديه ماتعكس قوة الفريق

واكبردليل ريال مدريد خسر8 مبارياة تحضيريه للموسم الجديد وقالوالناس الريال موماخذ مركز

زين في اليغا وهذا هومركزه الاول من بداية الموسم ماشالله لاعبين زين يعني مبارياااة وديه

صحيح المباريات الوديه لاتعد مقياسا للفريق

وياليت مايكون في شده في الكلام ولاتنسون ان اي كلام تعصبي لايعبر ولايقنع بل بالتكلم بتفهم وقناعه

تامه ليكون الحديث فيه من الشئ امنقنع والمفهوم

تقبل مروري

مشكورين على المرور

والنصر نادي كبير وزي ما قال Ksaكلها مباراه وديه ما تحدد قوه الفريق

...

صحيح ان النصر ما لعب بكامل نجومه باستثناء الحارثي الي لعب على ما اعتقد في الشوط الثاني



بس يا اخوي اذا هو غلطان مو تتهمه بالتعصب الا فهمه وقله النصر لاعب ناقص



ولا شكر على واجب يا الظاهره

واسف اذا اخطيت على حد كلها حوار ونقااش ولاتاخذون الموضوع بجديه
حبايبي


اول شي اسف اذا غلطت على حد


وتر كله كان مزح


وكنت امزح على حبايبي الهلاليين ومنهم الظاهره فديته


واسف اذا غلطت عليك خيوووه الظاهره



واسف اذا غلطت على حد

وفرفشو وانسو

وماحصل الا الخير وكلنا اخووان

وبس


واسف اذا اخطيت على حد كلها حوار ونقااش ولاتاخذون الموضوع بجديه



ولكم خالص تحياتي

ويالله فديتكم سي يو :a2a154:

الشلهوب لاعب حواري ؟؟

الي اين ذهبت عقولنا ؟


الموضوع مغلق’

تحياتي