منتديات هيبة ملك منبع إبداع لاينضب - لندن او امريكأ ..,, ساتي اليكي في يوم من الايأم...!

عدل عدل ي عـآزف والله مانت سهل يالدووبي
تبي تروح امريكا ولندن وتستمتع وتشعر بـ حقيقة العالم البشري فعلاً !!

ترا في هناك انفتاحية تحول عيونك منها بس أوووكيه صدقني :) يعني شي حلو إنك تكتشف العالم الخارجي :) <--- خوش إكتشاف والله هههههههه

بس إذا فعلاً تبي تروح تتعلم فـ الله يوفقك وييسر دربك هذا طموح جميل ويرفع الراس ياخوووي

أما إذا تبي تروح علشان تشلسي والمغني إمينــم فــ الله يخلف على أم الشهادة اللي تبي تجيبها
من الآن اقول تبي ترجع طبـآخ مو متعلم :) شف علمتك من الآن وإنت حر

ترا غيرك رآح ورجع سبــآك بعد مو طبــآخ يعني أنت تبي تصير أهون إن شاءالله ههههههههههه

بس ياقلبي قبل لاتروح وتخطط وتلعب بالمستقبل لأزم أول شي يكون عندك هدف
انت ليش تبي تروح تدرس بالخارج ؟
وش المجالات المحلية اللي تحلم بها وتتطلب شهادة عالية ؟
هذي أهم الأشياء اللي لابد انك تفكر فيها لـ بنــآء ( الهدف )

بعد ماتبني الهدف وتحط الاساس وتصب الخرسانة وترفع الأعمدة يجي دور ( المشوار التعليمي )
لازم علشان ماتفحط وتقحص بنص السنه وتقول والله مليت من الغربة أبي أرجع
لازم تحسب مشوارك التعليمي وكم راح تستغرق سنة دراسية للتخرج
وهل أنت مستعد لهـ الغربة أو لا ولا زم تكون على أعلى مستويات المسؤلية في شؤونك ..}

في لنهاية هذا حلم وإحتمال كبير إنه يتحقق .. بس إنت شد حيلك بالثانوية وجب معدل وحرك الواسطة عندك وان شاءالله تدخل برنامج الإبتعاث للخارج .

اللحين أنت خلص الثانوية وقدم على الإبتعاث وبعدين نتفاهم :)